Athletic Clubeko filosofiaren muina etxeko jokalariekin jokatzea da; Euskal Herrian jaioak ala heziak. Tradizio honek futbol profesionalaren munduan kasu paregabe bilakatu du kluba, L’equipek definitu zuen bezala. Athleticen filosofia Euskal Herriko gizartearen baloreak, tradizioak eta helburuak adierazteko modu esanguratsua da. Ezaugarri hauek direla eta, hainbat mediok Atlheticek gaur egungo futbol profesionalaren munduan supostazen duena miresten dute.(New York Times, The Guardian, These Football Times).
Athletic Cluba espainiar futboleko cluben artean zaharrenetariko bat da, eta “Kopako errege” ezizena jarri izan diote hainbatetan, Errege Kopa 24 alditan irabazi baitu. Horretaz aparte, Ligako 8 titulu irabazi ditu eta ez da inoiz bigarren mailara jeitsi. Bere filosofia berezira lotuta hainbeste arrakasta jaso izanak bere jarraitzaileen artean harrotasun sentimendu handia sortu du, eta baita ere mundu osoko futbolzale erromantiko guztien artean.
Athleticen bizitza luzea, osasuna eta pasioa bere kide eta jarraitzaileengan finkatzen da. Cluba eta bere jarraitzaileak beti daude prest beraien taldea babesteko, garai onetan zein txarretan. San Mamés da gure etxea, zelai ingeles estiloko estadio magikoa. Lur sakratu honetan munduko jokalaririk onenek jokatu dute. Pichichi bezalako jokalariek, duela 100 urte. Eta gaur egun, Messiren mundu mailako jokalariek.